15 वर्षांत 100 हून अधिक जेतेपदे…
नवी दिल्ली/मुंबई (Badminton legend Nandu Natekar) : भारतातील बॅडमिंटनला नवीन उंचीवर नेणारे पहिले खेळाडू नंदू नाटेकर (Nandu Natekar) यांचे आजही स्मरण केले जाते. त्यांच्या चमकदार खेळाने, वेगवान प्रतिक्षेपांनी आणि उत्कृष्ट तंत्राने त्यांनी देशासाठी पहिले आंतरराष्ट्रीय जेतेपद (International competition) जिंकलेच नाही तर अनेक तरुणांसाठी प्रेरणास्थानही बनले. 2021 मध्ये आजच्याच दिवशी म्हणजे 28 जुलै रोजी वयाच्या 88 व्या वर्षी नंदू नाटेकर यांचे निधन झाले.
नंदू नाटेकर यांची बॅडमिंटनमध्ये एक छाप
बॅडमिंटनपटू नंदू नाटेकर (Nandu Natekar) यांचा जन्म 12 मे 1933 रोजी महाराष्ट्रातील सांगली येथे झाला. 1956 मध्ये त्यांनी मलेशियातील सेलांगोर आंतरराष्ट्रीय स्पर्धा जिंकून इतिहास रचला. (International competition) आंतरराष्ट्रीय स्तरावर जेतेपद जिंकणारे ते पहिला (Badminton legend) भारतीय बॅडमिंटनपटू ठरले. हा एक असा क्षण होता, ज्याने भारताला बॅडमिंटनच्या नकाशावर ठामपणे उभे केले. तेव्हापासून, भारत या खेळात प्रगती करत राहिला आहे.
15 वर्षात जिंकली 100 हून अधिक जेतेपदे
त्यांच्या 15 वर्षांच्या दीर्घ कारकिर्दीत त्यांनी 100 हून अधिक राष्ट्रीय आणि आंतरराष्ट्रीय जेतेपदे जिंकली. ते 17 वेळा राष्ट्रीय विजेतेपदावर होते, ज्यामध्ये ६ एकेरी, 6 दुहेरी आणि 5 मिश्र दुहेरी जेतेपदे समाविष्ट आहेत. विशेष म्हणजे 1961 मध्ये त्यांनी (Nandu Natekar) एकाच वर्षी एकेरी, दुहेरी आणि मिश्र दुहेरीचे तिन्ही जेतेपदे जिंकली, जो एक अद्वितीय विक्रम आहे. ही कामगिरी आजपर्यंत कोणत्याही भारतीय पुरुष खेळाडूने पुनरावृत्ती केलेली नाही.
1961 मध्ये मिळाला पहिला अर्जुन पुरस्कार
बॅडमिंटनपटू नंदू नाटेकर (Nandu Natekar) यांनी 1951 ते 1963 दरम्यान थॉमस कपमध्ये (Thomas Cup) भारतासाठी चमकदार कामगिरी केली. त्यांनी 12 एकेरी आणि 8 दुहेरी सामने जिंकून संघाला बळकटी दिली. ते एका वेळी जागतिक क्रमवारीत तिसऱ्या क्रमांकावर होते, जे त्यावेळी भारतासाठी एक मोठी कामगिरी होती. 1961 मध्ये त्यांना पहिला अर्जुन पुरस्कार (Arjuna Award) देखील मिळाला. हा पुरस्कार भारतीय खेळांमध्ये उल्लेखनीय योगदान देणाऱ्यांना दिला जातो. 28 जुलै 2021 रोजी वयाच्या 88 व्या वर्षी त्यांचे निधन झाले, परंतु त्यांचे योगदान क्रीडाप्रेमींच्या हृदयात नेहमीच जिवंत राहील.
