नवी दिल्ली/मुंबई (Cashless Treatment Yojana) : रस्ते अपघातात जखमी झालेल्यांसाठी केंद्र सरकारकडून मोठी घोषणा करण्यात आली आहे. रस्ते अपघातात जखमी झालेल्यांना ‘कॅशलेस’ उपचाराची सुविधा मिळणार आहे. केंद्रीय रस्ते वाहतूक आणि महामार्ग मंत्री नितीन गडकरी (Nitin Gadkari) यांनी ही ‘कॅशलेस’ उपचार योजना जाहीर केली. नितीन गडकरी (Nitin Gadkari) म्हणाले की, कॅशलेस उपचारांतर्गत रस्ते अपघातग्रस्तांना (Cashless Treatment Yojana) कॅशलेस उपचार देण्यात येणार आहेत. प्रत्येक अपघातासाठी प्रति व्यक्ती कमाल 1.5 लाख रुपये रोखरहित उपचार सुविधा उपलब्ध असेल. उपचाराचा खर्च केंद्र सरकार उचलणार आहे.
‘कॅशलेस’ उपचार योजना आणि अटी?
ही ‘कॅशलेस’ उपचार योजना (Cashless Treatment Yojana) मार्चमध्ये सुरू होत असल्याचे केंद्रीय मंत्री (Nitin Gadkari) म्हणाले. त्याअंतर्गत भारतभरातील रस्ते अपघातग्रस्तांना कॅशलेस उपचार घेण्याची सुविधा उपलब्ध करून दिली जाईल. या (Cashless Treatment Yojana) योजनेंतर्गत रस्ते अपघातात बळी पडलेल्या व्यक्तीच्या सात दिवसांच्या उपचारासाठी जास्तीत जास्त दीड लाख रुपयांचा खर्च सरकार उचलणार आहे.
अपघातानंतर 24 तासांत पोलिसांचा अहवाल देणे आवश्यक
नितीन गडकरी (Nitin Gadkari) म्हणाले की, अपघातानंतर 24 तासांच्या आत पोलिसांना माहिती दिल्यास पीडितेच्या उपचाराचा खर्च केंद्र सरकार उचलेल. यासोबतच सरकारने हिट अँड रन प्रकरणातील पीडितांच्या कुटुंबीयांना 2 लाख रुपयांची भरपाई जाहीर केली आहे. नितीन गडकरी म्हणाले की, ही कॅशलेस उपचार योजना रस्त्यावरील वाहनांच्या कोणत्याही श्रेणीमुळे होणाऱ्या अपघातांसाठी लागू असेल. ही (Cashless Treatment Yojana) योजना राष्ट्रीय आरोग्य प्राधिकरण (NHA), रुग्णालये, पोलीस आणि आरोग्य संस्था यांच्या समन्वयाने अंमलबजावणी करणाऱ्या एजन्सीद्वारे चालविली जाणार आहे.
जाणून घ्या…ही कॅशलेस उपचार योजना कधी लागू होणार?
रस्ते वाहतूक आणि महामार्ग मंत्रालयाच्या म्हणण्यानुसार, 14 मार्च 2024 रोजी, पायलट प्रोजेक्ट अंतर्गत, ही (Cashless Treatment Yojana) योजना प्रथम चंदीगड आणि नंतर सहा राज्यांमध्ये विस्तारित करण्यात आली. रस्ते अपघातात बळी पडलेल्यांना वेळेवर उपचाराची सुविधा मिळावी यासाठी सुरू करण्यात आलेली ही (Cashless Treatment Yojana) योजना आता मार्च महिन्यात संपूर्ण भारतात लागू होणार आहे.
