अर्जुनी-मोर (Gondia) :- स्थानीक जुना बसस्थानक परिसरात चायनीज दुकान चालकाने अर्जुनी-मोर – नवेगावबांध मार्गावरील सुकळी जंगल शिवारात झाडाला गळफास लावुन आत्महत्या (Suicide) केल्याची घटना आज ता. 9 मार्च ला सकाळी 9 वाजेच्या सुमारास उघडकीस आली. प्रविण तुकाराम तोंडरे वय 35 वर्षे ह. मु. अर्जुनी-मोर असे आत्महत्या केलेल्या व्यक्तीच नांव आहे.
मृतक प्रविण तोंडरे हा 7 मार्च पासुन बेपत्ता
याबाबत मिळालेल्या माहितीनुसार मृतक प्रविण तोंडरे यांचे मुळगाव भंडारा जिल्ह्यातील लाखांदुर आहे. मृतकाची पत्नी अर्जुनी-मोर. पोलीस स्टेशनला पोलीस शिपाई पदावर कार्यरत आहे. मृतक हा बेरोजगार असल्याने त्यांनी अर्जुनी-मोर येथे जुना बसस्थानक परिसरात राजपुत चायनिज अँड बिर्याणी सेंटर या नावाने दुकान होती. पती पत्नी व एक पाच वर्षाचा मुलगा असा त्यांचा परिवार अर्जुनी-मोर येथे रहात होता. सर्व काही सुरळीत असताना मृतक प्रविण तोंडरे हा 7 मार्च पासुन बेपत्ता होता. आज 9 मार्च ला प्रविण चे प्रेत अर्जुनी-मोर पासुन चार ते पाच कि.मी. अंतरावरील सुकळी जंगल परिसरात गळफास लावलेल्या स्थितीत आढळुन आले. अर्जुनी-मोर पोलीसांनी घटनास्थळ गाठून पंचनामा केला. शवविच्छेदनासाठी (Autopsy) ग्रा.रु.अर्जुनी-मोर येथे पाठवीले. मृतकाचे अंत्यसंस्कार लाखांदुर येथे होणार आहे. पुढील तपास पोलीस निरीक्षक कमलेश सोनटक्के यांचे मार्गदर्शनात रोशन गोंडाणे व त्यांचे सहकारी करीत आहेत.
