हिंगोली (Hingoli Turmeric Auction) : कृषि उत्पन्न बाजार समितीच्या संत नामदेव हळद मार्केटमध्ये १२ हजार रुपयापासून हळदीचा लिलाव केला जात असल्याने शेतकरी आक्रमक झाले होते. या प्रकरणी संतप्त शेतकर्‍यांनी जिल्हाधिकारी कार्यालयावर मोर्चा काढून आपल्या भावना व्यक्त केल्या. (Hingoli Turmeric Auction) हिंगोली कृषि उत्पन्न बाजार समितीच्या संत नामदेव हळद मार्केटमध्ये हळदीला चांगला दर मिळत असल्याने जिल्ह्यासह पर जिल्ह्यातून आणि विदर्भातून अनेक शेतकरी हळद विक्रीला आणत आहेत.
२० एप्रिल रोजी जवळपास ३०० वाहनातून हळद विक्रीस (Hingoli Turmeric Auction) आणली होती. वाहनांची रांग आरामशीन पर्यंत लागली होती. हळदीच्या लिलाव पध्दतीवरून काही शेतकर्‍यांनी आक्षेप घेऊन जिल्हाधिकारी कार्यालयावर मोर्चा काढला होता. हळदीचा शासकीय दर १६९०० असताना १२ हजारापासून लिलाव केला जात आहे. हळद विक्रीसाठी बाजार समितीत ६ ते ७ दिवस लागत आहेत. त्यामुळे १ हजाराचा वाहन खर्च शेतकर्‍यांच्या माथी लागत असल्याने शेतकर्‍यांना न्याय द्यावा यासाठी निवेदन देण्यात आले.
