हिंगोली (Heart Disease Screening) : राष्ट्रीय आरोग्य अभियान, राष्ट्रीय बाल स्वास्थ्य कार्यक्रम RBSK आणि किम्स हॉस्पिटल्स ठाणे यांच्या संयुक्त विद्यमाने जिल्ह्यातील ० ते १८ वर्षे वयोगटातील मुलांसाठी मोफत हृदय रोग तपासणी व उपचार शिबिराचे आयोजन करण्यात आले आहे. हे शिबिर गुरुवार, ९ जुलै २०२६ रोजी सकाळी १० ते दुपारी २ वाजेपर्यंत जिल्हा रुग्णालय, रिसाला बाजार, अकोला रोड, हिंगोली येथे पार पडणार आहे.
शिबिरात किम्स हॉस्पिटल्स ठाणे येथील ज्येष्ठ तज्ज्ञ डॉ. श्रीनिवास एल. आणि डॉ. सोनिया कारापूरकर मार्गदर्शन करणार आहेत. डॉ. श्रीनिवास एल. हे सीनियर आणि चीफ कन्सल्टंट इंटरव्हेन्शनल पीडियाट्रिक कार्डिओलॉजिस्ट आहेत. तर डॉ. सोनिया कारापूरकर या कन्सल्टंट पीडियाट्रिक आणि फेटल कार्डिओलॉजिस्ट आहेत.
शिबिरात २D इको तपासणीसह नाव नोंदणी (Heart Disease Screening) पूर्णपणे मोफत असणार आहे. ज्या मुलांना वारंवार न्यूमोनिया होतो, बाळ निळे पडते, वजन वाढत नाही, वेगाने श्वास लागतो, त्वचा ओठ आणि नखे निळी पडतात किंवा प्रचंड घाम येतो अशा लक्षणांकडे पालकांनी गांभीर्याने लक्ष देऊन त्वरित तपासणी करून घ्यावी, असे आवाहन आयोजकांनी केले आहे. अपॉईंटमेंटसाठी गाभणे यांच्याशी ९९२११ २७७०६ या क्रमांकावर संपर्क साधता येईल.
