हिंगोली (Hingoli Eye Donation) : येथील गंगा नगर भागातील श्रीमती सुमनबाई ओंकारय्या किर्तनकार (वय 80) यांचे दि. 16 एप्रिल 2026 रोजी दुपारी 1:30 वाजता दुःखद निधन झाले. या दुःखाच्या प्रसंगीही किर्तनकार कुटुंबियांनी समाजापुढे माणुसकीचा आदर्श ठेवत नेत्रदानाचा (Hingoli Eye Donation) निर्णय घेतला. कुटुंबियांनी तात्काळ गॅलक्सी सेवाभावी संस्था, हिंगोली यांच्याशी संपर्क साधून नेत्रदान करण्याची इच्छा व्यक्त केली. संस्थेच्या वतीने दुपारी 3:30 वाजता नेत्रदानाची प्रक्रिया पार पडली. डॉ. प्रतिक लखामावार व डॉ. साजेद यांच्या पथकाने ऑपरेशन यशस्वी केले. विशेष सहकार्य डॉ. अगस्ती जवळेकर व डॉ. कैलाश कोटकर यांचे लाभले.
संकलित नेत्र जालना येथील गणपती नेत्रालयात पाठवण्यात आले असून, त्याद्वारे दोन अंध व्यक्तींना दृष्टी मिळणार आहे. हे संस्थेचे 102 वे नेत्रदान ठरले आहे. (Hingoli Eye Donation) स्व. सुमनबाई यांच्या पश्चात 4 मुले, 1 मुलगी, नातू, नातसुना असा मोठा परिवार आहे. त्यांच्यावर सायंकाळी अंत्यसंस्कार करण्यात आले. गॅलक्सी सेवाभावी संस्थेचे समन्वयक डॉ. मनिष मुपकलवार यांनी ही माहिती दिली आहे.
