निवडणुकीकरीता जिल्ह्यात एकही अर्ज दाखल नाही
हिंगोली (Hingoli Assembly Election) : जिल्ह्यात पहिल्या दिवशी ९२-वसमत विधानसभा मतदार संघासाठी २१ इच्छूक उमेदवारांनी ४३ अर्ज, ९३-कळमनुरी विधानसभा मतदार संघासाठी १८ इच्छूक उमेदवारांनी ४४ अर्ज व ९४-हिंगोली विधानसभा मतदारसंघ निवडणुकीसाठी २९ इच्छूक उमेदवारांनी ६६ अर्ज असे एकूण जिल्ह्यात ६८ इच्छुक उमेदवारांनी १५३ नामनिर्देशन पत्रांची उचल केली. त्यापैकी एकानेही आज नामनिर्देशन पत्र दाखल केले नाही.
२० नोव्हेंबर रोजी होणार्‍या (Hingoli Assembly Election) हिंगोली जिल्ह्यातील ९२-वसमत, ९३-कळमनुरी व ९४-हिंगोली विधानसभा निवडणुकीची आज अधिसूचना प्रसिद्ध झाल्यानंतर नामनिर्देशन प्रक्रियेला सुरुवात झाली आहे. हिंगोली जिल्ह्यातील तिन्ही विधानसभा मतदारसंघ निवडणुकी साठी ६८ इच्छुक उमेदवारांनी १५३ नामनिर्देशन पत्रांची उचल केली आहे.
यावेळी ९२-वसमत विधानसभा मतदार संघाचे निवडणूक निर्णय अधिकारी तथा उपविभागीय अधिकारी विकास माने, ९३-कळमनुरी विधानसभा मतदार संघाचे (Hingoli Assembly Election) निवडणूक निर्णय आधिकारी तथा उपविभागीय आधिकारी प्रतिक्षा भुते, ९४-हिंगोली विधानसभेचे निवडणूक निर्णय अधिकारी तथा उपविभागीय अधिकारी समाधान घुटुकडे तसेच संबंधित विधानसभा मतदार संघाचे सहायक निवडणूक निर्णय अधिकारी तथा तहसीलदार यांच्यासह निवडणूक कामी नियुक्त अधिकारी-कर्मचारी उपस्थित होते. सध्या नामनिर्देशनपत्र देण्याची व दाखल करण्याची प्रक्रिया सुरू झाली असल्याने तहसील कार्यालयाच्या प्रवेशद्वारावर चोख पोलीस बंदोबस्त तैनात करण्यात आला आहे.
एका उमेदवारास जास्तीत जास्त ४ अर्ज घेता येतात. नामनिर्देशनपत्रे २९ ऑक्टोबरपर्यंत कोणत्याही दिवशी सकाळी ११ ते ३ वाजेपर्यंत सादर करता येतील. ३० ऑक्टोबर बुधवार रोजी नामनिर्देशन पत्रांची छाननी करण्यात येणार आहे. तर ४ नोव्हेंबर २०२४ रोजी उमेदवारी अर्ज मागे घेण्याचा शेवटचा दिवस आहे. कुठेही अनुचित घटना घडणार नाही या दृष्टीने जिल्हा पोलीस अधिक्षक श्रीकृष्ण कोकाटे यांनी सर्वत्र बंदोबस्त तैनात केला आहे. उमेदवारी दाखल करण्याच्या पहिल्या दिवशी (Hingoli Assembly Election) जिल्ह्यातील मतदारसंघ निहाय हिंगोली-६६, वसमत-४३ तर कळमनुरी विधानसभा मतदार संघात ४४ नामनिर्देशनपत्र घेण्यात आले आहेत.
