चंद्रपूर (Police Gambling Raid) : स्थानिक गुन्हे शाखा चंद्रपूरचे पथक आणि उप पोलीस स्टेशन लाठी येथील अधिकारी व अंमलदारांनी संयुक्त कारवाई करत पोडसा येथील मनोरंजन क्लबवर धाड टाकली. ही कारवाई राजीव समाधान मल्टीपरपज सोसायटी, हिरापूर, ता. कोरपना, जि. चंद्रपूर, शाखा पोडसा येथे करण्यात आली. (Police Gambling Raid) धाड दरम्यान चालक महेश्वर गोपालनायक अजमेरा, वय ४२ वर्ष, रा. चिंताकुंडा, ता. शिरपूर, जि. आसिफाबाद, तेलंगणा हा संयोजकांसोबत संगनमत करून मनोरंजनच्या नावाखाली अनधिकृत जुगार खेळवत असल्याचे आढळले. यामध्ये परवाना अटी व सुचनांचे जाणीवपूर्वक उल्लंघन केल्याचेही निष्पन्न झाले.
पंचनामा कार्यवाहीदरम्यान पोलिसांनी डीव्हीआर, ताशपत्ते, कॉईन, रजिस्टर आदी साहित्य असा एकूण ३,४५० रुपयांचा मुद्देमाल जप्त केला. या (Police Gambling Raid) प्रकरणी क्लब चालक, संयोजक, जुगार खेळणारे सदस्य आणि अपप्रेरणा देणारे आरोपी यांच्याविरुद्ध विविध कलमान्वये गुन्हा नोंदविण्यात आला आहे.
