नेपाळमध्ये पुराचा कहर; रसुवा जिल्ह्यात मोठी हानी, २८ पोलिसांसह १००० नागरिक वाहून गेल्याची माहिती

भोटे कोशी नदीला रौद्ररूप; स्याफ्रुबेसी आणि तिमुरे भागांना सर्वाधिक फटका, भारतातील बिहारपर्यंत पुराचा परिणाम होण्याची शक्यता

नेपाळमध्ये मुसळधार पाऊस आणि पुरामुळे परिस्थिती गंभीर बनली आहे. तिबेटच्या सीमेलगत असलेल्या रसुवा जिल्ह्यात बुधवारी आलेल्या पुरामुळे अनेक गावांना मोठा फटका बसला असून, मूलभूत सुविधांच्या विविध प्रकल्पांचेही नुकसान झाले आहे. स्याफ्रुबेसी आणि तिमुरे परिसरात पुराचा सर्वाधिक परिणाम झाल्याचे सांगण्यात येत आहे.

या पुरात २८ पोलिसांसह सुमारे १००० नागरिक वाहून गेल्याची माहिती समोर आली आहे. पुरामुळे झालेल्या नुकसानीचे अनेक व्हिडीओ सोशल मीडियावर व्हायरल होत असून, त्यातून परिस्थितीची भीषणता समोर येत आहे.

Today, a flash flood has swept through markets, settlements, and hydropower projects along the Bhotekoshi River in Timure and Syabrubesi, Gosainkunda Rural Municipality, Rasuwa District, Bagmati Province, Nepal. pic.twitter.com/DWVsGQpRzV

— Weather Monitor (@WeatherMonitors) August 26, 2026

नेपाळमधील भोटे कोशी नदीला आलेल्या महापुरामुळे नदीकाठच्या गावांमध्ये मोठ्या प्रमाणावर नुकसान झाले आहे. अनेक घरे आणि प्रकल्प पुराच्या पाण्याच्या तडाख्यात सापडले. नदीकाठच्या परिसरातील नागरिकांना प्रशासनाने सुरक्षित आणि उंच ठिकाणी स्थलांतरित होण्याचा सल्ला दिला आहे.

बाढी पीडितहरुको उद्धारमा खटिएका सुरक्षाकर्मी तथा स्थानीयलाई नमन।🙏
#reelsviralシ
#fbreels
#nepal pic.twitter.com/NlWOYZVvwD

— Nirmal Prasai🇳🇵 (@NirmalPrasai5) August 26, 2026

पुराच्या प्रवाहामुळे नदीकाठची अनेक घरे अक्षरशः वाहून गेली असून, अनेक कुटुंबांचे मोठे नुकसान झाले आहे. परिस्थिती अधिक गंभीर होण्याची शक्यता लक्षात घेऊन सखल भागातील नागरिकांना स्थलांतरित होण्याचे आदेश देण्यात आले आहेत. नदीलगतच्या नागरिकांनी विशेष खबरदारी घ्यावी आणि परिस्थिती बिघडल्यास तातडीने सुरक्षित उंच ठिकाणी जावे, असे प्रशासनाने आवाहन केले आहे.

दरम्यान, नेपाळचे पंतप्रधान बलेंद्र शाह यांनी पूरग्रस्त भागात मदत आणि बचावकार्य वेगाने राबवण्यासाठी पोलिस तसेच लष्करासह बचाव पथके तैनात करण्याचे आदेश दिले आहेत. प्रशासनाकडून पूरस्थितीवर लक्ष ठेवण्यात येत असून, बाधित नागरिकांना सुरक्षित स्थळी हलवण्याचे प्रयत्न सुरू आहेत.

Getting worse and worse with every other video I am coming across :-(

Solid bridge take out like it was made with Lego. #nepal pic.twitter.com/pSqp9FPlIw

— Sidharth Shukla (@sidhshuk) August 26, 2026

भारतावरही परिणाम होण्याची शक्यता

नेपाळमधील या पुराचा परिणाम केवळ त्या देशापुरता मर्यादित राहण्याची शक्यता नाही. भोटे कोशी नदीचा उगम तिबेटमध्ये होतो. पुढे ही नदी नेपाळमध्ये त्रिशुली नदीला मिळते. त्यानंतर त्रिशुलीचे पाणी गंडक नदीच्या माध्यमातून भारतात प्रवेश करते.

त्यामुळे नेपाळमध्ये अचानक निर्माण झालेल्या पुराच्या परिस्थितीचा परिणाम भारतातील नदीपात्रांवरही होऊ शकतो. नेपाळमधून येणारी ही नदी बिहारमधून वाहते. पाण्याचा प्रवाह असाच वाढत राहिल्यास बिहारमधील गंडक नदीच्या पाणीपातळीवर परिणाम होण्याची शक्यता व्यक्त केली जात आहे.

Getting worse and worse with every other video I am coming across :-(

Solid bridge take out like it was made with Lego. #nepal pic.twitter.com/pSqp9FPlIw

— Sidharth Shukla (@sidhshuk) August 26, 2026

मात्र, सध्याच्या पुरातील किती पाणी भारतात पोहोचेल आणि त्याचा नेमका परिणाम किती गंभीर असेल, हे या टप्प्यावर निश्चितपणे सांगता येणार नाही.