रिसोड (Washim) :- दोन दुचाकीची आमोरासमोर धडक होऊन यामध्ये एक जणांचा मृत्यू (Death)तर दोघेजण जखमी झाल्याची घटना रिसोड लोणार मार्गावर ग्राम चाकोली जवळ दिनांक 14 फेब्रुवारी रोजी सकाळी 10:15 वाजता घडली. अमोल तुकाराम घोडके वय 32 वर्ष राहणार ईडोळी ता. जी. हिंगोली असे मृतकाचे नाव असून जखमींमध्ये एक 12 वर्षीय मुलीचा समावेश आहे.
रिसोड लोणार मार्गावर चाकोली जवळची घटना
याबाबत मिळालेल्या माहितीनुसार हिंगोली जिल्ह्यातील ईडोळी येथील अमोल घोडके हे आपली दुचाकी क्रमांक एम एच 15 जी एच 0060 ने लोणारच्या दिशेने आपल्या काही नातेवाईकांना भेटण्याकरिता जात होते. तर बुलढाणा जिल्ह्यातील लोणार येथील शेख अहमद शेख मोईन वय 35 वर्षे हे आपली दुचाकी क्रमांक एम एच 29 बी ए 5932 ने 12 वर्षीय आलिया परवीन शेख तोफिक ला घेऊन रिसोडच्या दिशेने येत होते. ग्राम चाकोली जवळ अमोल घोडके यांची भरधाव व सुसाट वेगाने चालत असलेली दुचाकी ची धडक समोरून येत असलेल्या आपल्या बाजूने चालत असलेल्या शेख अहमद यांच्या दुचाकी झाली. घटना एवढी भीषण होती की दोन्ही दुचाकीचा अक्षर चा चुराडा झाला.
घटनास्थळीच एकाच मृत्यू तर दोघे गंभीर
या घटनेमध्ये अमोल घोडके याचा घटनास्थळीच मृत्यू झाला. तर घटनेतील दोन्ही जखमींना प्रथम उपचारानंतर पुढील उपचाराकरिता वाशीम येथे हलविण्यात आले. याबाबतची माहिती रिसोड पोलिसांना मिळताच पोलीस उपनिरीक्षक वसंत तहकीक, सुनील तीवाले, चालक प्रभाकर इंगोले, माधव इरतकर, होमगार्ड बांगरे यांनी घटनास्थळ धाव घेऊन पाहणी केली. मात्र तत्पूर्वी जखमींना रिसोड येथील ग्रामीण रुग्णालयात भरती करण्यात आले तर मृतकाचा मृतदेह (dead body) ॲम्बुलन्सच्या माध्यमातून रिसोड येथील ग्रामीण रुग्णालयात (Hospital)दाखल करण्यात आले. वृत्तलेपर्यंत याप्रकरणी पोलिस कारवाई करत होती.
