– परभणीतील- मुदगल शिवारातील घटना
– दुचाकीवरून जात होती महिला
– दुचाकी वर उसाची मोळी पडल्यानंतर घडली घटना
परभणी/पाथरी (Woman died) : उसाने भरलेल्या ट्रॉली मधील उसाची मोळी दुचाकीच्या हँडलवर पडल्यानंतर झालेल्या दुर्घटनेमध्ये ट्रालीच्या चाकाखाली आलेल्या दुचाकीवरील चाळीस वर्षीय महिलेचा जागीच मृत्यू झाल्याची (Woman died) घटना सोमवारी सायंकाळी तालुक्यातील मुदगल शिवारामध्ये घडली आहे.
या दुर्घटने विषयी मिळालेल्या अधिक माहितीनुसार पाथरी तालुक्यातील मुदगल शिवारामध्ये सोमवार २५ नोव्हेंबर रोजी सायंकाळी ७ च्या सुमारास ट्रॅक्टर क्रमांक एमएच ४४ सी २०३३ मुदगलच्या दिशेने उसाने भरलेल्या दोन ट्रॉल्या घेऊन जात होते. यावेळी पाथरीच्या दिशेने दुचाकी क्रं एमएच २२ एजी ३४२३ वर दुचाकीस्वार व पाठीमागील बाजूस महिला बसून येत होती .मुदगल शिवारातील एका शेत आखाड्याजवळ ट्रॉली मधील उसाची मोळी अचानक खाली खोसळून बाजूने जात असलेल्या दुचाकीच्या हँडलवर पडल्याने यावेळी दुचाकीस्वाराचे नियंत्रण सुटत दुचाकी खाली पडली.
यावेळी पाठीमागील बाजूस बसलेली महिला नंदा मंच्छींद्र काळे ( वय ४० ) रा . चाटे पिंपळगाव ता .पाथरी ट्रॉलीच्या पाठीमागील बाजूस असणाऱ्या चाकाखाली आल्या . यावेळी त्यांच्या डोक्यावरून चाक गेल्याने त्यांचा जागीच मृत्यू झाला. यावेळी (Woman died) घटनेची माहिती कळताच पाथरी पोलिस ठाण्यातील पोना . अशोक धस व सहकारी घटनास्थळी दाखल झाले होते . यावेळी मयत महिलेचा मृतदेह पाथरी ग्रामीण रुग्णालयामध्ये पाठवण्यात आला आहे.
