शेगाव (Shree Gajanan Maharaj) : श्री गजानन महाराज संस्थान, शेगाव यांच्या वतीने 115 वा श्री पुण्यतिथी उत्सव दि. २५ ऑगस्ट २०२४ ते दि. २८ ऑगस्ट २०२४ पर्यंत धार्मिक प्रथा-परंपरेनुसार मोठ्या उत्साहात व भक्तिभावात संपन्न झाला.
या उत्सवात दररोज सकाळी काकडा आरती, गाथा-भजन, दुपारी प्रवचन, सायं हरिपाठ व रात्री कीर्तनाचा कार्यक्रम पार पडला. ह.भ.प. सुरेश बुवा वाकडे, ह.भ.प. भरत बुवा जोगी, ह.भ.प. प्रशांत बुवा ताकोते, ह.भ.प. भरत बुवा पाटील, ह.भ.प. बाळु बुवा गिरणायकर यांच्यासह अनेक कीर्तनकारांनी आपल्या रसाळ कीर्तनांनी भक्तिमय वातावरण रंगवले.
भाद्रपद शुद्ध प्रतिपदेला गणेश पूजन व व्रतस्थापना झाली. भाद्रपद शुद्ध सप्तमीला सकाळी दहा वाजता यागाची पूर्णाहुती पार पडली. तसेच संध्याकाळी सोहळ्यात श्रीयंत्र स्थापनेनंतर भजन व कीर्तन झाले. उत्सवात ४६२ दिंड्यांनी सहभाग नोंदविला. नियमपूर्तीनंतर ७३ नवीन दिंड्यांना टाळ, विणा, मृदंग, ज्ञानेश्वरी, तुकाराम गाथा, एकनाथी भागवत आदी संत साहित्याचे पताकावितरण करण्यात आले. जुन्न्या दिंड्यांना भजन साहित्य व पुस्तकांचे वाटप करण्यात आले.
उत्सवात आलेल्या भाविकांसाठी भोजनप्रसादाची उत्तम सोय करण्यात आली होती. तसेच (Shree Gajanan Maharaj) भाविकांच्या सोयीसाठी संस्थानतर्फे विशेष विश्रांती व निवास व्यवस्था करण्यात आली होती.
तसेच श्रीक्षेत्र शेगावसह पंढरपूर, अकोला, म्यानकापुर, अकोट, अंजनगाव, खामगाव, अकोट अशा शाखांमधूनही दिंड्या उत्सवात दाखल झाल्या. संस्थानतर्फे १,९८,००० हून अधिक भाविकांना महाप्रसादाचे वितरण करण्यात आले. या उत्सवाच्या यशस्वी आयोजनासाठी संस्थानचे व्यवस्थापक, कार्यकर्ते व स्वयंसेवकांचे मोलाचे योगदान राहिले. (Shree Gajanan Maharaj) श्री गजानन महाराजांच्या पुण्यतिथी उत्सवाचे पावित्र्य अनुभवण्यासाठी लाखो भाविकांनी उपस्थित राहून आपली श्रद्धा व्यक्त केली.
