हिंगोली पोलीस दलाचा कौतुकास्पद पुढाकार; ६५ जवानांच्या विश्रांतीसाठी सुसज्ज पलंग तयार

​हिंगोली (Hingoli Police Force) : हीच जिद्द आणि कष्टाच्या जोरावर हिंगोली जिल्हा पोलीस भरतीमध्ये घवघवीत यश संपादन केलेल्या ६५ नवनियुक्त युवकांसाठी जिल्हा पोलीस दलाने कौतुकास्पद पाऊल उचलले आहे. भरती प्रक्रियेतून निवड झालेल्या या सर्व भावी पोलिसांच्या राहण्याची उत्तम सोय पोलीस दलातर्फे करण्यात आली आहे. लवकरच या जवानांचा खडतर प्रशिक्षण काळ (ट्रेनिंग पिरेड) सुरू होत आहे. दिवसभराच्या कठोर प्रशिक्षणानंतर या जवानांना रात्री उत्तम विश्रांती मिळावी, या उद्देशातून प्रशासनाने त्यांच्या राहण्याच्या ठिकाणी विशेष व्यवस्था केली आहे. ६५ जवानांना झोपण्यासाठी नवीन आरामदायी पलंग तयार करून घेतले जात आहेत.
​
​प्रशिक्षण काळातील सोयींवर भर अधिक भर दिला जात आहे. कारागिरांकडून काम युद्धपातळीवर सुरू
​
पोलीस दलात (Hingoli Police Force) दाखल होणाऱ्या या नव्या दमाच्या शिपायांचे स्वागत करण्यासाठी पोलीस मुख्यालय सज्ज झाले आहे. सध्या मुख्यालयाच्या आवारात स्थानिक कारागिरांकडून हे पलंग तयार करण्याचे काम अत्यंत वेगाने व युद्धपातळीवर सुरू आहे. कठोर मेहनतीनंतर वर्दीचे स्वप्न पूर्ण केलेल्या या युवकांना उत्तम सुविधा मिळाव्यात, यासाठी पोलीस प्रशासन विशेष काळजी घेत आहे. पोलीस प्रशासनाच्या या संवेदनशील आणि नियोजनबद्ध भूमिकेमुळे नवनियुक्त जवान आणि त्यांच्या कुटुंबियांमध्ये समाधानाचे व आनंदाचे वातावरण पहायला मिळत आहे.