शिवसेना पक्षसंघटन व्यापक करण्यासाठी कामाला लागा: संपर्क प्रमुख चव्हाण

माझा महाराष्ट्र, भगवा महाराष्ट्र उपक्रमांतर्गत बैठक 

लातूर (Latur Shiv Sena) : शिवसेना पक्षप्रमुख उद्धव ठाकरे यांच्या संकल्पनेतून सुरू करण्यात आलेल्या 'माझा महाराष्ट्र, भगवा महाराष्ट्र' या उपक्रमांतर्गत लातूर जिल्ह्यात पक्षसंघटन अधिक भक्कम आणि व्यापक करण्यासाठी सर्व पदाधिकाऱ्यांनी ताकदीने कामाला लागावे, असे आवाहन शिवसेनेचे लातूर जिल्हा संपर्कप्रमुख तथा माजी आमदार रोहिदास चव्हाण यांनी केले. येथील शासकीय विश्रामगृहात आयोजित केलेल्या बैठकीत लातूर शहर, लातूर ग्रामीण, निलंगा, औसा विधानसभा मतदारसंघातील पक्षाच्या पदाधिकाऱ्यांच्या विशेष बैठकीत ते बोलत होते.

मार्गदर्शन करताना रोहिदास चव्हाण पुढे म्हणाले की, १ ऑगस्ट ते ३१ ऑगस्ट दरम्यान शिवसेनेची महाराष्ट्रव्यापी मोहीम आयोजित करण्यात आली आहे. यात 'गाव तिथे शाखा आणि घर तिथे शिवसैनिक' हे उद्दिष्ट समोर ठेवून काम करणे गरजेचे आहे. पक्षातील निष्ठावंत (Latur Shiv Sena) शिवसैनिकांना शाखाप्रमुख पदापासून ते उपजिल्हाप्रमुख या रिक्तपदावर योग्य न्याय द्यावा, असेही ते म्हणाले.

जिल्हाप्रमुख बालाजी रेड्डी यांनी शहरातील व ग्रामीण भागातील ज्येष्ठ शिवसैनिकांशी संपर्क साधून, त्यांना आपल्या कार्यात सहभागी करून घेत चर्चा करण्यात यावी, असे आवाहन केले.
यावेळी सहसंपर्कप्रमुख प्रमुख चंद्रनाथ मुरळीकर, जिल्हा समन्वयक पप्पुभाई कुलकर्णी, जिल्हा परिषद सदस्य तानाजी जाधव, उपजिल्हाप्रमुख बालाजी जाधव, महिला जिल्हा संघटक जयश्रीताई उटगे, डॉ. शोभाताई बेंजरगे, महानगर प्रमुख विष्णुपंत साठे, शहरप्रमुख माधव कलमुकले, शिवराज मुळावकर, युवासेना जिल्हा अधिकारी दिनेश जावळे औशाचे उपजिल्हाप्रमुख बजरंगदादा जाधव, मुरूडचे  बाळासाहेब डोंगरे, निलंगा तालुका प्रमुख अविनाशदादा रेशमे, शिरूर अनंतपाळ तालुकाप्रमुख भागवत वंगे, देवणी तालुका प्रमुख मुकेश सुडे, ग्रामीण तालुका प्रमुख कैलाश पाटील, तालुका प्रमुख शंकर रांजणकर, ज्येष्ठ  शिवसैनिक देविदास भोसले महादेव भोसले एडवोकेट चंद्रकांत भोसले, आरोग्य सेनेचे त्र्यंबक स्वामी, विधानसभा प्रमुख राजेंद्र कतारे, विष्णु कांबळे, सोमनाथ झुंजारे, अँड. वैभव बिराजदार, अँड. रवी पिचारे , अल्पसंख्यांकचे मुनवरखान पठाण, समद शेख, मारूती सुर्यवंशी, सुरज बाहेती, सिद्धेश्वर जाधव, गणेश गंगणे, करण शिंदे, संतोष माने, सचिन पवार, भिमराव शिंदे, पद्माकर पेंढारकर, बालाजी काळे, सतिश शिवणे, महादेव काळे, पप्पु शिंदे, सतिश जाधव,रवी सुर्यवंशी,  विशाल शिंदे, दत्ता गोरे, सतिश राठोड, संजय हराळकर, लखण बोंडगे, आमोल डोरसिंगे, आण्णासाहेब मिरगाळे, जनार्धन हंचाटे, अक्षय चवळे, अजय घोणे, प्रवीण मगर व ईतर शिवसैनिक पदाधिकारी व शिवसैनिक बांधव या बैठकीस उपस्थित होते.