स्थानिक गुन्हे शाखेच्या पथकाची सावली विश्रामगृहासमोर कारवाई
परभणी (Parbhani Pistol Seized) : स्थानिक गुन्हे शाखेच्या पथकाने वसमत रोडवर सावली विश्रामगृहा समोर केलेल्या कारवाईत एका स्कॉर्पिओ वाहनातून लोखंडी गावठी पिस्तूल, तीन जीवंत काडतूस जप्त केले. ही कारवाई ५ ऑगस्टच्या रात्री दहा वाजता करण्यात आली. सदर प्रकरणी नवा मोंढा पोलीस ठाण्यात गुन्हा दाखल करण्यात आला आहे.
स्थागुशाचे पोनि. गजेंद्र सरोदे यांच्या मार्गदर्शनाखाली पोउपनि. चंदनसिंह परिहार, गणेश सवंडकर, मधुकर चट्टे, सपोउपनि. भुजबळ, केंद्रे, पोलीस अंमलदार आगळे, पांगरकर, परसोडे, पुरी, धोत्रे, इमरान सपकाळ यांचे पथक अवैध धंद्यांची माहिती काढत गस्त घालत होते. या पथकाला सावली विश्राम गृहासमोर एक इमस स्कॉर्पिओ वाहनात गावठी पिस्तूल, जीवंत काडतून घेवून असल्याचे समजले.
पोलिसांनी वाहनासह इसमाला ताब्यात घेतले. त्याच्या गाडीची झडती घेतली असता गाडीमध्ये पिस्तूल आणि जीवंत काडतूस मिळून आले. अधिक चौकशी केल्यावर संबंधिताने सदरचे पिस्तूल रवि भंवर रा. वणी जि. नाशिक याने दिल्याचे सांगितले. पोलिसांनी या (Parbhani Pistol Seized) कारवाईत वाहनासह १० लाख ३१ हजार ५०० रुपयांचा मुद्देमाल जप्त केला आहे. पोलीस अंमलदार नेताजी गिते यांच्या फिर्यादीवरुन नागेश गंगाधर हरबळे, रवि भवर या दोघांवर नवा मोंढा पोलिसात गुन्हा नोंदविण्यात आला आहे.
