राजकीय पक्ष आणि चेअरमन सरसावले! उदगिरात सत्याग्रह
उदगीर (crop insurance) : अनेकदा मागणी करुनही उदगीर विधानसभा मतदारसंघातील उदगीर व जळकोट तालुक्यातील अनेक शेतकऱ्यांना गतवर्षीचा (crop insurance) पीकविमा मिळाला नाही. पीक विमा मिळवून देण्यात लोकप्रतिनिधी असणारे राज्याचे क्रीडामंत्री संजय बनसोडे अपयशी ठरल्याचा निषेध करीत चेअरमन संघटनेच्यावतीने एल्गार पुकारत उदगीर येथील छत्रपती शिवाजी महाराज चौकात शुक्रवारी पीकविमा सत्याग्रह करण्यात आला.
2023 चा खरीप हंगामातील सोयाबीन आणि तूर पिकासाठी कंपनीने 100 टक्के पीक विमा उदगीर व जळकोट तालुक्यातील सर्व शेतकऱ्यांना दिला पाहिजे, ही आग्रही मागणी घेऊन चेअरमन संघटनेने हे आंदोलन केले. शेतकऱ्यांना मिळणारे प्रति हेक्टरी पाच हजार रुपये सोयाबीन अर्थसाह्य अनुदानासाठी ई-पीक पाहणीची जाचक अट रद्द करणे, तालुक्यातील सर्व शेतकऱ्यांना खरीप 2023 चा पीक विमा (crop insurance) देणे, शेतकऱ्यांच्या विविध योजनांसाठी असलेल्या जाचक अटी रद्द करणे, शासकीय योजना मंजुरीसाठी दलाल शासकीय कार्यालयात मोठ्या प्रमाणात वावरत आहेत ते बंद करणे, या मागण्यांसाठी अहिंसक मार्गाने पीक विमा सत्याग्रह आंदोलन करण्यात आले.
या (crop insurance) आंदोलनात ज्येष्ठ चेअरमन कोंडीराम काळोजी मोघा, हेरचे चेअरमन संगमेश्वर मिटकरी, शिवाजी पाटील तोंडचिर, बसवराज पाटील उदगीर, मनमत कोणमारे कौलखेड, अशोकराव आबा माने हळी, शिवा पाटील चिगळी, अण्णाराव गंभीरे करवंदी, श्रीरंग कुंडगीर कल्लूर, विठ्ठलराव मुळे सुकनी, धोंडीबा डावळे डावूळ ,वैजनाथ केसगिरे उमरगा, व्यंकट कुंडगीर खेरडा, ज्ञानेश्वर भांगे वाढवणा, रामराव पाटील देऊळवाडी, किशन मोरे शेल्हाळ, रामराव पाटील करखेली, रमेश बंडे दावणगाव, संतोष सोमासे वाढवणा, व्यंकट बिरादार बेलसकरका, दयानंद रोडगे देवर्जन, विवेक जाधव गंगापूर भाकसखेडा इत्यादी चेअरमन सहभागी होते. या आंदोलनाला भारतीय राष्ट्रीय काँग्रेस पक्ष, शिवसेना उद्धव बाळासाहेब ठाकरे, राष्ट्रवादी काँग्रेस शरदचंद्र पवार, प्रहार जनशक्ती पार्टी, स्वाभिमानी शेतकरी संघटना, संभाजी ब्रिगेड या संघटनेने पाठिंबा दिला. या संघटनेच्या नेत्यांनी आपले मनोगत ही व्यक्त केले.
या (crop insurance) आंदोलनामध्ये प्रामुख्याने माजी आ. मनोहर पटवारी, माजी आ. सुधाकर भालेराव, माजी नगराध्यक्ष उषाताई कांबळे, राष्ट्रवादी काँग्रेसचे प्रदेश सरचिटणीस प्रा. डॉ. शिवाजी मुळे, शिवसेना उद्धव बाळासाहेब ठाकरे गटाचे तालुकाप्रमुख चंद्रकांत टेंगेटोल, रंगा राचुरे, श्रीकांत पाटील, दत्ता सुरनर, बाळासाहेब पाटोदे, अमित खंदारे, प्रकाश रोडगे, अजित शिंदे, आशिष पाटील राजूरकर, विनोद तेलंगे, रविकिरण बेळकुंदे, ओंकार गांजुरे भालेराव जाधव यांच्यासह शेतकरी मोठ्या संख्येने सहभागी होते.
