हिंगोली (Hingoli Assembly Elections) : विधानसभा सार्वत्रिक निवडणूक 2024 साठी जिल्ह्यातील तिनही विधानसभा मतदारसंघाच्या मतदानासाठी मतदान केंद्रावर मतपेट्या, मतदान कर्मचारी, तसेच आवश्यक असेल तेथे मतदारांना मतदानासाठी घेऊन जाण्यासाठी 387 वाहनाची व्यवस्था करण्यात आली आहे. यामध्ये 122 क्रुझर, 65 एसटी बस, 41 मिनीबस, 17 जीप, 27 राखीव वाहने तसेच क्षेत्रीय अधिकाऱ्यांसाठी 115 जीप वाहने उपलब्ध करुन देण्यात आली आहेत. (Hingoli Assembly Elections) विधानसभा मतदारसंघनिहाय वाहनाचा तपशील पुढीलप्रमाणे आहे.
92-वसमत विधानसभा मतदार संघात मतदान कर्मचाऱ्यांसाठी 54 क्रुझर, 16 एसटी बस, 18 मिनीबस, 12 जीप, 12 राखीव जीप तसेच क्षेत्रीय अधिकारी यांच्यासाठी 38 जीप अशी 150 वाहने उपलब्ध करुन देण्यात आली आहेत. 93- कळमनुरी विधानसभा मतदार संघात मतदान कर्मचाऱ्यांसाठी 40 क्रुझर, 24 एसटी बस, 17 मिनीबस, 5 राखीव वाहने तसेच क्षेत्रीय अधिकारी यांच्यासाठी 36 जीप अशी 122 वाहने उपलब्ध करुन देण्यात आली आहेत. 94- हिंगोली विधानसभा मतदार संघात (Hingoli Assembly Elections) मतदान कर्मचाऱ्यांसाठी 28 क्रुझर, 25 एसटी बस, 6 मिनीबस, 5 जीप, 10 राखीव वाहने तसेच क्षेत्रीय अधिकारी यांच्यासाठी 41 जीप वाहने अशी 115 वाहने उपलब्ध करुन देण्यात आली आहेत, अशी माहिती सहायक प्रादेशिक परिवहन अधिकारी तथा वाहन व्यवस्थेचे नोडल अधिकारी जगदीश माने यांनी दिली आहे.
