Parbhani :- परभणीतील मानवत तालुक्यातील मराठ्यांना ओबीसीतुन (OBC)आरक्षण मिळावे या मागणीसाठी मुंबई येथे आझाद मैदानावर उपोषणाला बसलेले संघर्ष योध्दा मनोज जरांगे पाटील यांच्या उपोषणाला पाठींबा देण्यासाठी मानवत मध्ये मंगळवार २ सप्टेंबर रोजी सकाळी ११ वाजता सकल मराठा समाजाच्या (Maratha Community) वतीने मुंडन आंदोलन करण्यात येणार आहे. या आंदोलनात जास्तीत जास्त समाज बांधवांनी सहभागी व्हावे असे आवाहन सकल मराठा समाजाच्या वतीने करण्यात आले आहे.
मनोज जरांगे पाटील यांच्या समर्थनार्थ आंदोलन
मराठा संघर्ष योध्दा मनोज जरांगे पाटील हे मराठ्यांना सरसकट ओबीसी प्रवर्गातुन आरक्षण मिळावे म्हणून मुंबई येथे २९ ऑगस्ट पासुन आझाद मैदानात आमरण उपोषणास बसलेले आहेत. या आंदोलनाचा आज चौथा दिवस आहे. परंतु अद्यापही आरक्षण संदर्भात सरकारने कुठलाही निर्णय घेतलेला नाही. त्यामुळे ह्या झोपलेल्या सरकारला जागे करण्यासाठी मराठा संघर्ष योद्धा मनोज जरांगे पाटील (Manoj Jarange Patil)यांच्या उपोषणाला पाठींबा देण्यासाठी मंगळवार २ सप्टेंबर रोजी सकाळी ११ वाजता मानवत शहरात मुंडण आंदोलन करण्यात येणार आहे.
उपस्थित राहण्याचे सकल मराठा समाजाचे आवाहन
या आंदोलनात सखल मराठा समाज बांधवांनी मोठ्या संख्येने सहभागी व्हावे असे आवाहन सकल मराठा समाजाच्या वतीने करण्यात आले असून शासनाने ह्या आंदोलनाची दखल घ्यावी व आंदोलन दरम्यान काही अनुचित प्रकार घडल्यास ह्यची जवाबदारी सर्वस्वी शासनावर राहील असे देखील सकल मराठा समाजाच्या वतीने सांगण्यात आले आहे.
