परभणी/पाथरी(Parbhani) :- भरधाव वेगातील आयशर वाहनाने दुचाकीला दिलेल्या धडकेत दुचाकीवरील दोघांचा मृत्यू (Death)झाला तर एक जण गंभीर जखमी झाला आहे. ही घटना ३१ डिसेंबर रोजी मध्यरात्रीच्या सुमारास पाथरी तालुक्यातील बोरगव्हाण शिवारात घडली. या प्रकरणी आयशर चालकावर पाथरी पोलिसात गुन्हा दाखल करण्यात आला आहे.
बोरगव्हाण शिवारातील घटना अपघातात एक जखमी
राजू श्रीरंग चव्हाण यांनी तक्रार दिली आहे. आकाश चव्हाण, शेख अदनान शेख शफि अशी मृतकांची नावे आहेत. अपघातात शाहेद फरेद मिर्झा बेग हा गंभीर जखमी झाला आहे. अपघाताविषयी अधिक माहिती अशी की, ३१ डिसेंबरच्या रात्री आकाश चव्हाण हे मित्र शेख अदनान, शाहेद मिर्झा बेग यांच्या सोबत नवीन वर्ष साजरे करण्यासाठी व भावाला भेटण्यासाठी एम.एच. २२ बी. ए. ९८६३ या दुचाकी वरुन सेलू येथून पाथरीला आले. भावाला भेटल्यानंतर आकाश मित्रांसोबत रात्री पाथरीकडे निघाले. बोरगव्हाण शिवारात त्यांची दुचाकी आली असता एम.एच. २० जी.सी. ०६३४ या क्रमांकाच्या आयशरने दुचाकीला जोराची धडक दिली. अपघाताची माहिती कळताच राजू चव्हाण घटनास्थळी पोहोचले. अपघातात (Accident) दोघांचा मृत्यू झाला तर एक जण जखमी झाला. या प्रकरणी आयशर चालकावर पाथरी पोलिसात गुन्ह्याची नोंद करण्यात आली आहे.
