परभणी/पाथरी (Parbhani):- वकील संघाचे सदस्य एडवोकेट पोटभरे यांना पाथरी पोलीस ठाण्याचे पोलीस निरीक्षक बी.एम. मोहीते यांनी केलेल्या मारहाण (beating) प्रकरणी तात्काळ गुन्हा दाखल करत संबंधित पो .नि . यांना तात्काळ निलंबित करण्यात याव अन्यथा तहसील कार्यालयासमोर उपोषण करणार असल्याचा इशारा एका निवेदनाद्वारे पाथरी वकील संघाने
तहसीलदार यांच्यामार्फत जिल्हा अधिकाऱ्यांना दिलेल्या निवेदनात दिला आहे .
वकिल संघाची मागणी; उपोषणाचा इशारा
पाथरी वकील संघाच्या वतीने बुधवार 26 जून रोजी पाथरी तहसीलदार यांच्यामार्फत जिल्हाधिकारी यांना एक निवेदन सादर करण्यात आले आहे. यामध्ये म्हटले आहे की, पाथरी वकील संघाचे सदस्य ऍड .पोटभरे हे १९ जुन रोजी रात्री ७ वाजता पाथरी पोलीस स्टेशनला गेले असता पोनि. मोहिते यांनी अर्वाच्य भाषेत शिवीगाळ (abuse)करून मारहाण करत पाथरी पोलीस ठाण्यातुन हाकलून दिले असल्याचा गंभीर आरोप केला आहे . याप्रकरणी २६ जुन रोजी ऍड. पोटभरे यांनी रितसर लेखी तक्रार (complaint) पोलीस अधिक्षक व जिल्हाधिकारी यांच्या कडे दाखल केली असुन अद्याप पर्यंत पोनि मोहिते यांच्यावर कुठलीही कार्यवाही झाली नसल्याचे म्हटले आहे. पुढील दोन दिवसात पोनि .मोहिते यांच्यावर गुन्हा दाखल करून त्यांना निलंबित केले नाही तर पाथरी वकील संघच्या वतीने शुक्रवार २८ जुन पासून पाथरी तहसिल समोर उपोषण करण्यात येईल असा इशारा दिला आहे .निवेदनावर वकील संघाचे अध्यक्ष ऍड. श्रीपाद कोंत , उपाध्यक्ष ऍड बि. एल .रोकडे , सचिव ऍड.के . आर . नाईक ,कोषाध्यक्ष ऍड. आर .व्ही . गिराम व वकिल संघातील सदस्यांच्या स्वाक्षऱ्या (Signature)आहेत.
